" കളിമണ്ണ് "
വിവാദം ഉണ്ടാക്കിയ ആ സിനിമ ഇന്നലെ കണ്ടു -കളിമണ്ണ് !.തികച്ചും ചിന്തനീയവും ,പട്ട്ടനർഹാവുമായ നല്ലൊരു സിനിമ ഭംഗിയായി ചിത്രീകരിച്ചിരിക്കുന്നു എന്ന് ഒറ്റ വാക്കിൽ പറയാം .പക്ഷെ അങ്ങനെ മാത്രം പറഞ്ഞുപോകുന്നത് കുറഞ്ഞുപോകും എന്ന വിഷമം ഉണ്ട് . മലയാള സിനിമയ്ക്ക് അഭിമാനിക്കാവുന്ന വ്യത്യസ്ഥമായ ഒരു ചിത്രമാണ് കളിമണ്ണ് .സിനിമ തുടങ്ങുന്നത് അസാധ്യമായ ശിൽപ്പ ഭംഗിയോടെയും ,കയ്യടക്കതോടെയുമാണ് . ബ്ലെസി എന്ന സംവിധായകൻറെ ധീരവും ,ശ്രദ്ധേയവും ആയ ഒരു സിനിമയാണ് കളിമണ്ണ് .ഇതിൽ സ്വേതാമേനോൻ എന്ന നടിയെ മാത്രമല്ല , അവരിലെ ദീർക്ഘ ചിന്തയുള്ള ഒരു അമ്മയെ കൂടി നമുക്ക് കാണാൻ കഴിയും .ഇത്തരം സിനിമകൾ തീർച്ചയായും സംഭവിക്കുന്നതാണ് -കാലത്തിൻറെ നിർമ്മിതിയുമാകം ! തീർച്ചയായും ഈ സിനിമ കുടുംബസമേതം കാണേണ്ടതാണ് .ഓരോ മലയാളിയിലെയും കപട സതചാരക്കാരനെ കുത്തി വേദനിപ്പിച്ചു കൊണ്ടാണ് സിനിമ കടന്നു പോകുന്നത് .ബിജുമേനോൻ തൻറെ കഥാപാത്രത്തെ ഉജ്ജ്വലമാക്കി .പ്രിയദർസനിലെ വലിയ നടനെ ഒളിമിന്നൽ പോലെ കാണുന്നുണ്ട് . തിരക്കഥയിൽ ചിലയിടങ്ങളിൽ ഇഴച്ചിൽ ഉണ്ടെങ്കിലും ,പ്രസവ സമയം ശ്വേതയുടെ കഥാപാത്രം കയവിട്ടുപോയെങ്ങിലും ഈ സിനിമ ഇന്ത്യൻ സിനിമയ്ക്ക് അഭിമാനിക്കാവുന്ന ഒരു നല്ല ചിത്രം തന്നെയാണ് !
രേഖ വെള്ളത്തൂവൽ
